Addendum tot die Skoolreëls en Gedragskode:

BEGRIPSOMSKRYWING

1. “Alle vorme van netheid” Verwys na onder andere –

nie kaalvoet met skooldrag aan nie
skoon liggaam en skooldrag
goedversorgde voorkoms ( gekamde hare, vasgemaak/ knippies, skoongeblaasde neuse, skoon naels)
goedgemanierde optrede en taalgebruik
tande geborsel in oggend
korrek geklee vir sportwedstryde
binnekant van skooltas en skoolbankomgewing – vervang verslete tasse
maak los skoenveters vas

2. “modegiere” Verwys na –

haarstyle – ‘step’ , ‘kuiwe’ , ‘slierte’ , ‘neksterte’, ‘kleurstroke’,’stywe vlegsels’, nr. 1-haarsny
opstoot van truimoue en truie om heupe vasknoop
los skoenveters
skoolkouse op enkels
uithang skoolhemde
armbandjies, advertensie-horlosies, nekhangertjies
naelverf, maskara, ringe

3. “positiewe beeld en optrede” Verwys na –

betyds wees vir afsprake – bv. skool, sportoefeninge en wedstryde
optrede en gedrag in die klas wat mede leerders help om beter te leer en werk
loop in die skoolgange i.p.v. hardloop
om stil te bly wanneer iemand anders praat, en te wag vir jou beurt
om vriendelik te groet
onder geen omstandighede op die skoolterrein of geklee in skooldrag kougom te kou nie
om (self-)gedissiplineerd te wees, veral wanneer jy alleen is

4. “sosiaal aanvaarbare norme” Verwys na –

geskikte kleredrag vir die geleentheid
om teenoor en in die teenwoordigheid van ander mense op te tree soos ‘n beskaafde, goed opgevoede persoon
aanvaarbare taalgebruik wat nie vuil-, vloek- of beledigende taal is nie
hand- of vingertekens wat onaanvaarbare betekenisse bedoel

5. “verantwoordelike optrede” Verwys na –

getrou jou huiswerk doen
rommel in ‘n vuillisdrom te gooi, en ander aan te moedig om dit ook te doen
getroue bywoning van oefeninge en/of wedstryde
nie voorwerpe in klaskamer rond te gooi nie
ordelik aan te tree in rye en ordelik te beweeg in gange
om ‘n afrigter betyds in kennis te stel as jy nie kan deelneem nie
reëls te gehoorsaam
om self te weet wanneer orde en stilte te handhaaf, soos bv. wanneer assessering gedoen word

6. “respek” Verwys na –

jou optrede teenoor iemand om te wys dat jy erken dat sy/hy belangrik genoeg is
die ordentlike manier waarop jy met iemand praat, en te let op jou taalgebruik
die gebruik van die woorde asseblief en dankie
ander se besittings of eiendom wat jy versigtig hanteer
om aan ‘n persoon met ‘n gebrek normaal te behandel en erkenning te gee vir wie of wat hy/sy is
om nooit iemand te behandel asof hy/sy minderwaardig is nie
om te erken dat jou ouers, onderwysers of ouer persone voor jou by ‘n deur mag in- of uitstap
weerhou jou daarvan om ongevraagde op- of aanmerkings aangaande ander persone te maak
om op te staan wanneer ‘n ouer persoon die klas binnekom
daardie heilige erkenning van die hoë gesag van die Here, Skepper van alles

7. “vandalisme” Verwys na –

die opsetlike, moedswillige beskadiging van eiendom, van ander maar ook jou eie
om met ‘n skerp voorwerp op skoolbanke te krap
om opsetlik met jou skoensole merke op die vloere van die skool te maak
om plante bv. boomtakke, te beskadig / af te breek
om die omheiningsdrade plat te le/ oop te buig, of te skaats op die krieketkolfblad
om stutwalle se klippe los te wikkel
om terwyl jy vervoer word in die bussies, die sitplekke te sny of met jou voete teen die banke te trap
om ander se kosblik/-houer rond te skop
om met skaatsplanke/J-borde, ens. op tennisbane of teen trappe of op sementstoepe te ry
om oor die omheining van die skoolterrein te klim en so skade aan te rig

8. “etos” van die skool …” Verwys na –

die tien morele waardes waarvoor ons skool bekend wil wees
die lewenswaardes waaraan ‘n Courtraier glo, en aan mekaar en ander wil bewys
dit wat ons wil doen om die lewe vir iemand anders beter te maak, uit dankbaarheid vir wat ons het en kry

9. “wangedrag” Verwys na –

daardie optrede wat teen die normaal aanvaarbare manier van lewe is
optrede wat ander se regverdige kanse benadeel, of selfs in gevaar stel
opsetlike pogings om mede leerders se geleentheid om te leer, benadeel
om goed rond te gooi, selfs iets soos ‘n uitveer, wat iemand anders se oog kan beskadig
oneerlike optrede bv. afskryf tydens eksamen, of om onwaar stories te vertel van iemand anders
die vat van iemand anders se eiendom, skree/gil in die klas of rond te hardloop in ‘n klaskamer

10. “wapen” Verwys na –

11. “boelie” Verwys na –

‘n groter persoon wat ‘n ander afknou of iets afvat net omdat hy/sy groter is as die ander
die opsetlike benadeling van ‘n ander net omdat jy in ‘n beter posisie is
om in groepe rond te beweeg en dan ander te benadeel of bang te maak
om met woorde iemand bang te praat of te dreig of eise te stel
om allerhande tekens te wys met jou hande/vingers om dreigende ‘boodskappe’ te stuur

12. “naamskending” Verwys na –

om onwaar stories in verband met iemand anders rond te vertel
om iemand vals te beskuldig van ‘n daad, waarvoor jy geen bewyse het nie
om voor te gee dat jy ‘n skinderstorie by iemand gehoor het, terwyl jy weet dit is nie so nie
om self iets verkeerd te doen en dan ‘n naam te noem van iemand (onskuldige) anders

13. “afhanklikheidvormend” Verwys na –

om so gewoond te raak aan iets wat jy gebruik dat jy nie daarsonder kan klaarkom nie
medisyne soos pynpille, slaapdrankies, ens. wat jy meer as normal gebruik
enige middel wat jou ‘lekker’ laat voel of bedwelm, en wat jy dan meer en meer wil gebruik

14. “ongemagtigde” toegang … Verwys na –

om sonder die nodige toestemming te wees op ‘n plek waar toegang beperk word
om onder geen omstandighede kantore in die skool te betree sonder direkte toestemming nie
om in lêers of dokumentasie van ‘n onderwyser te blaai
om rekenaar webtuistes op te soek wat nie geskik is van iemand van jou ouderdom nie
om in ‘n mede-leerder se tas rond te krap

15. “beginsels van ordentlikheid” Verwys na –

16. “tugmaatreëls” Verwys na –

17. “ongewenste leesstof” Verwys na –